Телевизиондук Музыкалык Реалити-Шоу Сынагынын Концепциясы

"Биздин сахан" – бул Кыргызстандагы таланттуу инсандарды ачып, аларга чоң сахнага жол ачуучу, улуттук маданиятыбызды даңазалаган масштабдуу телевизиондук шоу-программа. Жаш курактагы жана ар кандай кесиптеги адамдардын өз өнөрлөрүн көрсөтүүгө, өркүндөтүүгө жана кеңири аудиторияга жеткирүүгө мүмкүнчүлүк берүү программанын өзөгү. Ошондой эле көрсөтүү телекөрүүчүлөр менен интерактивдүү байланышты бекемдөө аркылуу аларга унутулгус маанай жана эсте каларлык эс алуу тартуулайт.

Долбоордун Идеясы

"Биздин сахан" – бул насаатчылар жана жаш ырчылар катыша турган уникалдуу конкурстук реалити-шоу. Долбоордун негизги өзгөчөлүгү – алдыңкы насаатчылардын жетекчилиги астында жаш таланттардын өнүгүү жолун жана сахна артындагы татаал, бирок кызыктуу эмгекти көрсөтүү.

Конкурска эки тажрыйбалуу насаатчы жана он таланттуу аткаруучу (ар бир насаатчынын командасында 5тен ырчы) катышат. Долбоор жалпысынан үч негизги тур менен өткөрүлөт.

Программанын негизги максаттары

• - Таланттарды издөө жана колдоо: Кыргызстандын булуң-бурчундагы жашыруун жана тааныла элек таланттарды таап, аларга өзүн көрсөтүүгө аянтча түзүү.
• - Улуттук маданиятты жайылтуу: Кыргыз элинин бай маданиятын, салттуу өнөрлөрүн (комуз күүлөрү, дастан айтуу, элдик бийлер, төкмөлүк ж.б.) жана заманбап чыгармачылыгын кеңири жайылтуу.
• - Кыргыз эстрадасынын деңгээлин көтөрүү: Сапаттуу музыкалык контентти жаратууга, заманбап жана улуттук баалуулуктарды айкалыштырууга салым кошуу.
• - Инсандардын өнүгүүсүнө көмөктөшүү: Катышуучуларга кесипкөй адистердин (насаатчылар, хореографтар, режиссёрлор) жардамы менен өнөрлөрүн өркүндөтүүгө жана сахналык чеберчилигин жогорулатууга шарт түзүү.
• - Жаңы жылдыздарды ачуу: Шоу-бизнеске жаңы, жаркын ысымдарды алып келүү жана алардын кесиптик жолуна старт берүү.
• - Көрүүчүлөрдүн көңүлүн көтөрүү: Сапаттуу, кызыктуу жана шыктандыруучу контент аркылуу элдин маданий деңгээлин жогорулатуу жана позитивдүү маанай тартуулоо.
• - Музыка индустриясындагы жаңы стандарттарды киргизүү: Профессионалдык деңгээлди жогорулатуу.

Жыйынтыктарды аныктоо

Концерттердин жыйынтыгы эки түрдүү добуш берүү аркылуу аныкталат:

• - Калыстар тобунун добушу: Атайын чакырылган калыстар тобу ар бир аткаруучунун өнөрүнө баа берет.
• - Телекөрүүчүлөрдүн добушу Жума аралыгында телекөрүүчүлөр интерактивдүү добуш берүү системасы аркылуу (SMS же мобилдик тиркеме) сүйүктүү аткаруучуларына добуш бере алышат.
• - Эскертүү Ар бир жума сайын добуштар жыйналып, долбоордун финалына чейин топтоло берет.

Бул долбоор Кыргыз эстрадасына жаңы дем берип, жаш таланттарды колдоого жана көрүүчүлөргө унутулгус эмоцияларды тартуулоого чоң салым кошот деп ишенебиз.